Регионалниот центар за управување со кризи од Кочани, известува дека постапиле по пријавата за помош на лице во с. Полаки (планинско село од разбиен тип), во маало Бабиште, кое е завеано со снег, информира Центарот за управување со кризи (ЦУК).
„Командирот на ТППЕ Кочани има стапено во контакт со братот на лицето кое се наоѓа во с. Полаки за негова евакуација. Истиот ја одбил понудената помош со барање да се почека до утре. Истовремено, има ново барање да им се исчисти прво патот (концесионерот ги одржува само патиштата кои се под асфалт, а не и споредните патишта кои се до маалата, а што не се асфалтирани), па потоа тие да проценат дали ТППЕ има потреба да интервенира за нивна евентуална евакуација“, информира ЦУК.
