Во текот на вчерашниот ден имаше вкупно 45 пожари на отворен простор, од кои во моментов 10 се активни, 3 се под контрола и 32 се изгаснати, информира Центарот за управување со кризи (ЦУК).
„Активни се пожарите кај Јасен – Белица (борова шума), с.Негрево (мешана шума), с.Полог, с.Патеец (борова и букова шума), потоа, с.Челопеци и с.Бигор Доленци (мешана шума), с.Зајас (мешана шума), како и на Галичица, каде што се шири во правец на врвот Магаро кон Стење, Охридска страна, (нискостеблеста вегетација). Пожар има и кај с.Грешница, с.Слатина (мешана шума), кај с.Латово – Македонски Брод (нискостеблеста вегетација), како и с.Црвени Брегови“, информира ЦУК.
Под контрола се ставени пожарите на Илинска Планина, потоа, пожарот кај с.Ореше, како и оној на депонијата во Делчево. Изгаснати се 32 пожари.
