fbpx

ЦУК: 12 пожари на отворено, четири сè уште активни

Изгасени се осум пожари на отворено во последното деноноќие

-

Центарот за управување со кризи (ЦУК) информира дека имало вкупно 2 225 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 63,96%, а 36,04% биле за други потреби на граѓаните што не биле итни.

Кон Полиција биле упатени 55,39%, кон Итната медицинска помош 31,13%, кон пожарникарите 10,54%, од реалните повици кон 112 во ЦУК.

12 пожари вкупно на отворено и неколку помали интервенции се регистрирани во последното деноноќие, а од вчерашните активни, се водат четири пожари во: Општина Градско, помеѓу селата Виничани и Свеќани (нискостеблеста шума и сува трева); Општина Кичево, с.Цер (нискостеблеста деградирана шума, сува трева и смрека); Општина Ново Село, месност „Хаџиица“, на граница со Бугарија (букова шума) и во Општина Дојран, помеѓу Стар и Нов Дојран (чад во депонија).

Изгасени се осум пожари на отворено во последното деноноќие, конкретно во: Општина Кичево, с.Другово (ѓубриште); Општина Свети Николе, во градот (ѓубре);

Општина Штип, градски гробишта во Штип (сува трева); Општина Куманово, 3, кај м.в. „Бавче“, кај ООУ „Наим Фрашери“ и кај гробиштата во с.Клечовце (сува трева); Општина Старо Нагоричане, кај гробишта во с.Пелинце (сува трева) и во Општина Тетово, м.в. „Расадиште“ (сува трева).

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...