fbpx

Црногорската влада и СПЦ потпишаа договор, се отвора можност за веронаука во училиштата

-

Црногорскиот премиер Дритан Абазовиќ денеска објави на својот профил на Телеграм дека во Подгорица е потпишан фундаменталниот договор меѓу Црна Гора и Српската православна црква (СПЦ). Утрово во Подгорица пристигнал патријархот на СПЦ Порфириј Периќ, без претходна најава и присуство на новинари.

„Потпишан e oсновен договор. Едно важно прашање поставено ad acta. Продолжуваме понатаму, фокусирајќи се на подобар животен стандард за граѓаните“, напиша премиерот Абазовиќ.

Договорот бил потпишан во државната вила Горица, која била под силно полициско обезбедување. Претходно пак, црногорската влада го усвоила договорот меѓу премиерот Абазовиќ и патријархот на СПЦ, Порфириj, и покрај противењето на дел од министрите и парламентарното мнозинство.

Договорот беше испратен до Синодот на СПЦ кој има седиште во Белград. Со ова, на СПЦ во Црна Гора ѝ се овозможува екстериторијалност на верските објекти, а се отвора можноста и за веронаука во државните училишта. Освен тоа, се признава шест века подолг субјективитет отколку што СПЦ има во Србија. Се даваат јавно-правни овластувања, а во некои области овозможува правен статус еднаков на државните институции.

Веднаш по потпишувањето на Договорот со СПЦ, Демократската партија на социјалистите (ДПС) на претседателот Мило Ѓукановиќ испрати барање до црногорското собрание за гласање на недоверба на владата предводена од премиерот Абазовиќ, јавува подгоричкиот весник Побједа. Седницата за гласање на недоверба на црногорската влада е предвидено да се одржи на 19 август, а предлогот за гласање на недоверба на владата го потпишаа 36 пратеници од вкупно 81 пратеник.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...