На ИМ 2815, во Дом на АРМ, општина Центар, наместо во 7 часот наутро, гласањето започнало дури во 09:45 часот, поради проблеми со апаратите за читање на отпечаток од прст при идентификација на гласачите, објави ЦИВИЛ.
„Пред избирачко место чекаа граѓани кои беа прилично нервозни“, додаваат од таму.
Од ЦИВИЛ исто така посочуваат дека еден нивни набљудувач бил опструиран од претседателот на Избирачкиот одбор на Избирачко место 1016 во Куманово.
„На ИМ 1016, Куманово, во објектот на ЈП Водовод, има опструкција на набљудувачот од Цивил, барани му се дополнителни документи за легитимација и е попречуван во набљудувањето – не му е дозволен пристап до ИМ, а како причина е наведен малиот физички простор и ковид протоколите. Претседателот на ИО правел непотребна, дополнителна проверка на документите на набљудувачот и се консултирал со ОИК“, велат од ЦИВИЛ.
Изборните нерегуларности, притисоци, поткуп, злоупотреби, проблеми со Избирачкиот список, кршење на изборниот молк, говор на омраза, граѓтените можат да го пријават на веб страницата slobodniizbori.info или преку граѓанска пријава.
