Игор Милев и Виолета Дума, членови на Државната изборна комисија од СДСМ, ја напуштија седницата на која се расправа колку од 310.000 гласачи теренски ќе се проверуваат, потврдија за „Мета“ од ДИК.
Пред паузата, членовите на ДИК разговарале за гласачите што се иселени од државата, а се наоѓаат на избирачкиот список и можат да гласаат од дијаспората.
Претходно, ДИК едногласно го усвои експертскиот извештај од вкрстената проверка на избирачкиот список, односно на базите со податоци на Министерството за внатрешни работи и на десет други институции.
Анализата покажала дека неконзистентни се податоците што се однесуваат на околу 310.000 гласачи.
