Комисијата за прашањата на изборите и именувања денеска во 18 часот ќе одржи втора седница, на која ќе треба да се изберат членови на анкетната комисија на која треба да се расправа за прислушуваните разговори.
Пратеникот Горан Мисовски рече дека од ВМРО-ДПМНЕ намерно не предлагаат членови затоа што сакаат максимално да да се одложи формирањето на комисијата.
Анкетната комисија ќе има вкупно 16 членови, од кои осум ќе бидат од ВМРО-ДПМНЕ, четворица од СДСМ, двајца од ДУИ, еден од ДПА и еден независен пратеник.
Кандидат за претседател е пратеникот и портпарол на партијата Петре Шилегов, а негов заменик ќе биде Мисовски. Членови предложени од СДСМ се Ванчо Ковачевски и Томислав Тунтев.
Првата седница на комисија беше одложена затоа што ВМРО-ДПМНЕ и ДПА не предложија свои членови во комисија која треба да се занимава со содржината на објавените „бомби“.