Четвртина од гласачите регистрирани за предвремените парламентарни избори излегле на избирачките места во земјава до 13 часот за да ја искажат својата волја, покажуваат резултатите што ги соопшти Државната изборна комисија (ДИК).

Според нејзините статистики, излезноста на ниво на земјава до 13 часот е 24,61 отсто, додека од шесте изборни единици на кои е поделена нејзината територија, најголем е одѕивот во 3-та, со 29,72 отсто. Веднаш по неа е 4-тата, со 28,22 отсто. Оваа изборна единица до 11 часот беше прва на листата, со 18,55 отсто излезност.

Трета според излезноста на гласачите до 13 часот е 1-та изборна единица, позната и како „Скопска“, со 27, 36 отсто, а следува 5-та, со 24,12 отсто одѕив на гласачите. Со 22, 68 отсто излезност, 2-та изборна единица е претпоследна, а на дното е 6-тата, со 16,58 отсто излезност.

Од општините, до 13 часот највисока излезност е регистрирана во Крива Паланка – со 43,46 отсто одѕив, а следуваат:

42,4 Новаци
37,84 Крушево
35,29 Пробиштип
35,06 Македонски Брод
34,63 Гевгелија
33,59 Прилеп
33,42 Неготино
33,02 Пехчево
32,76 Штип
32,49 Берово
32,04 Кавадарци
31,89 Демир Хисар
31,88 дел од општина Битола
31,8 Свети Николе
31,3 Делчево
31,25 Карпош