Во село на југот на Молдавија се урнал хеликоптер на романската итна помош, при што загинале четири лица.

Според официјални лица во Молдавија, хеликоптерот се урнал поради магла, во близина на шума.

Портпаролот на итната служба на Романија, Џорџ Ханган, изјави дека хеликоптерот пренесувал болно лице од тој регион во молдавскиот главен град Кишинев.

Романија има договор со Молдавија за превоз на пациенти во итни случаи.