Болницата „Омар бин Абдул Азиз“ во источниот дел на Алепо, кој е под контрола на бунтовниците, целосно е уништена при бомбардирање, јавуваат светските медиуми.
Засега нема податоци за жртви на тој напад, лекарите ја напуштале болницата, а во тој хаос ги изнесувале и пациентите кои биле приклучени на апарати.
Сириската опсерваторија за човекови права со седиште во Лондон соопшти дека четири болници се целосно разурнати, меѓу кои и една детска болница.
За нападот, САД и ОН ги критикуваа сириската влада и Русија, кои се обвинети дека погодуваат цивилни мети.