fbpx

Чесите со сатира ја исмеваат руската анексија на делови од Украина, „си го бараат Калининград назад“

-

Чешки интернет пранкери создадоа лажна веб-страница и профил на Твитер за припојувањето на Калининградската област кон Република Чешка. VisitKralovec.cz е најновиот сатиричен обид за да се покаже апсурдноста на неодамнешната одлука за припојување на четири украински региони кон Руската Федерација. Онлајн доста вирална стана и онлајн петицијата за припојувањето на Калининград кон Чешка и негово преименување во Краловец.

„Краловец е Република Чешка. По успешниот референдум, 97,9 отсто од жителите на Калининград одлучија да се приклучат на Република Чешка и да го преименуваат Калининград во Краловец“, се наведува на насловната страница на VisitKralovec.cz.

Меѓу пара-вестите објавени на сајтот, стои и дека чешката влада на 4 октомври го потпишала указот за анексија на Калининград кон Република Чешка, повикувајќи ги туристите да ја посетат “новоосвоената” чешка територија, пишува Expats.cz.

Онлајн кампањата на пранкеритеостана до толку вирална на социјалните мрежи, што дури и Амбасадата на САД во Прага на официјалниот профил на Твитер се приклучи кон ваквата сатира.

Истовремено, организираната онлајн петиција за анексија на Калининград од Чешка веќе има над 18.500 потписи. Автор на петицијата е AZ247.cz, чешки веб-сајт за сатира.

Потписниците на сатиричната петиција бараат од чешката влада да испрати војници во Калининград за да распишат референдум којшто би завршил со поддршка од 98 отсто на населението за припојување кон Република Чешка.

Сатиричната кампања ја поддржаа и дел од пратениците во Европскиот парламент, пишуваат чешките медиуми.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...