За време на претстојната посета на Јордан, претседателот на Чешка, Милош Земан, ќе го одликува кралот Абдула Втори со орден „Бел лав“ и на тој начин ќе му изрази поддршка во борбата против тероризмот и ќе повика на широка поддршка на арапските земји.
Земан, исто така, рече дека тој се противи на воведувањето гранични контроли во Шенген-зоната, бидејќи тоа би значело нејзино укинување и ограничување на слободата на движење. Тој рече дека според негово мислење, против исламските терористи не треба да се војува со граничните контроли, туку, како што и претходно предлагаше, со операции за отстранување на терористичките воени и тренинг-бази во светот.
Земан, во официјална посета на Јордан заминува в понеделник, а ќе ги посети и Обединетите Арапски Емирати, каде со тамошните претставници ќе разговара за безбедносните прашања што се однесуваат на Исламска држава.