Чешкиот премиер Бохуслав Соботка соопшти дека неговата земја испраќа во Унгарија уште војници и полицајци.
В четврток, министрите за внатрешни работи на Вишеградската група ќе прецизираат како Словачка и Полска ќе помогнат во чувањето на унгарската граница.
– Во другата фаза од помошта за Унгарија, Чешка ќе испрати повеќе војници и полицајци од тие 25 што ги одобри владата вчера – рече Соботка во Генералштабот на армијата на Чешка во Прага.
Чешката влада во вчера одобри испраќање на 25 војници со пет камиони, опрема за поставување ограда и полски кујни, кои на унгарските војници од средината на октомври па во следните два месеца ќе им помагаат да ја довршат оградата што треба да си сопре бегалците илегално да ја минуваат унгарската граница.
Помош ветиле и Чешка и Словачка, а Полска, во рамките на операциите што ги координира европската агенција Фронтекс, неделава веќе испрати на унгарската граница хеликоптери и припадници на полската гранична стража.
