Регулаторната комисија за енергетика (РКЕ) денеска заседаваше и донесе одлука со која од вечерва на полноќ се намалуваат цените на горивата. Одлуката следува по законските измени на Законот за додадена вредност и Законот за акцизите за намалување на ДДВ-то и акцизата на горивата кои синоќа ги изгласа Собранието. Регулаторната комисија одлучи цената на бензинот да ја намали за 6,5 денари, а на дизелот за девет денари.
Така, еден литар Еуросупер 95 ќе се точи за 86,5 денари, Еуросупер 98 за 88,5 денари, а цената на дизелот ќе биде 88 денари. Литар екстра лесно масло ќе чини 83,50 денари, а мазут 60,914 денари за килограм.
