Со потпишувањето на Заедничката декларација за интеграција на Северна Македонија во НАТО, следната седмица ќе се реализира целосната воена интеграција на земјава во Северноатлантската алијанса, информира Министерството за одбрана.
„Процесот на воена интеграција на Северна Македонија во НАТО започна по потпишувањето на Протоколот за пристапување на нашата земја во Алијансата. Процесот на воена интеграција го следеше, координираше и имплементираше работна група составена од експерти, која работеше во седум области и тоа: администрација, опремување и модернизација, структура на сили, едукација, обука, вежби и евалуација, логистика и медицина, интеграција на системот за воздушно набљудување со системот на НАТО и комуникациско-информациски системи и кибер одбрана“, се посочува во соопштението.
Двете годишни конференции за интеграција се одржаа во ноември 2020 година и во јуни 2021 година.
