Скендер Бузаку денеска во Основното јавно обвинителство ги достави, како што вели, првите докази за криминал од страна на поглаварот на Исламската верска заедница (ИВЗ) Сулејман Реџепи, а најави и нови материјали.
Несудениот наследник на Реџепи на првата позиција го обвинува реисот за перење пари и злоупотреба на уплатите од верници кои заминале на годинашниот аџилак.
ИВЗ реагираше на таквите обвинувања, велејќи дека станува збор за лага и измислица на Бузаку.
Во вторникот Бузаку му даде на Реџепи рок од 72 часа да си замине од првата позиција во ИВЗ, а овој пак вчера го нарече „геј“.
