fbpx

Бугарите навалија на јагнешко и на бензин во Македонија

-

Бугарски државјани во пограничните места купуваат бензин и јагнешко месо во Македонија, јавуваат бугарските медиуми.

– Десетици ќустенцилци редовно полнат гориво во соседна Македонија – соопшти вработен од бугарскиот граничен премин Ѓуешево за Бугарското национално радио (БНР).

Поранешен пограничен полицаец од Ќустендил, за БНР изјавил дека еден литар бензин во Македонија е поевтин за 16,36 денари и оти го полни резервоарот на автомобилот од 170 литри во Крива Паланка.

Бугарскиот весник „Монитор“ минатата недела јави дека бугарските државјани за велигденската трпеза купуваат јагнешко од Македонија и од Србија, каде ова месо е поевтино. Јагнешкото во Софија се продава по цена од 440 денари, додека во Македонија е околу 120 денари помалку. Весникот наведува дека голем дел од пограничните места се одлучуваат да купат јагнешко во Србија, каде еден килограм месо изнесува околу 126 денари.

– Продавачите ти го колат животното на самото место, но ти оставаат сè, главата, органите. Поевтино е и свежо е – изјавил 35-годишен жител од Ќустендил за „Монитор“.

Бугарските погранични служби јавуваат дека во предвелигденскиот период се зачестени обидите да се внесе јагнешко од Македонија, што е забрането во согласност со бугарските и со европските закони, дури и за лична употреба.

– Во петокот на граничниот премин Ѓуешево се конфискувани две јагниња, купени во Кривопаленчко – соопштија бугарските цариници.

Бугарските медиуми јавуваат дека жителите од пограничните места, најчесто одат во соседна Македонија за да купат сирење, јајца, суво грозје и други прехранбени производи бидејќи цените се пониски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...