Бугарската независна енергетска берза се надеваат дека до почетокот на февруари ќе попише преддоговор за соработка со Македонија, јавува дописничката на „Мета“ од Софија.
– Бугарија и Македонија размислуваат да ги здружат своите пазари за електрична енергија – изјави извршниот директор на Бугарската независна енергетска берза, Константин Константинов.
Претставници на македонската електродистрибутивна мрежа и на македонската Регулаторна комисија неодамна одржаа средба со своите бугарски колеги и со Бугарската независна енергетска берза, на која било разговарано за можноста за поврзување на пазарите.
Од Бугарската независна енергетска берза се надеваат дека ќе попишат преддоговор за соработка со Македонија до почетокот на февруари. Договорот ќе ги прецизира конкретните чекори и рокови за потенцијалното идно поврзување.
