Буџетскиот дефицит на САД ќе се зголеми на 600 милијарди долари годинава, што е за шест милијарди долари помалку од очекуваното, соопшти канцеларијата за управување со буџетот на Белата куќа.
Според новите проекции, дефицитот ќе изнесува 3,3 отсто од домашниот бруто-производ. Сепак, прогнозираниот дефицит е за 162 милјарди долари поголем од минатогодишниот.
Администрацијата на претседателот Барак Обама предвидува дека економијата во САД годинава ќе оствари зголемување од 2,2 отсто, што е оптимистички во однос на многу други прогнози.