Почнаа градежните активности околу изградбата на фекалната канализација за населените места Брвеница и Долно Седларце, Тетовско, каде живеат околу 1.500 семејства.
Канализацијата ќе се гради во должина од два километри.
Од Општина Брвенца велат дека се планира целиот проект да заврши што поскоро, а се одвива паралелно со реконструкцијата на регионалниот пат Тетово – Чегране, каде се поставуваат цевки за канализацијата.
Инфраструктурниот проект за изградба на канализацијата и на пречистителната станица чини околу 800.000 евра.
