Во првите шест месеци од годината во однос на истиот период лани, бројот на туристите е зголемен за 8,6 проценти и тоа кај домашните туристи има зголемување за 10,2 проценти, а кај странските има зголемување за 7,9 проценти, објави Државниот завод за статистика.
Во истиот период, бројот на ноќевањата е зголемен за 8,5 проценти и тоа кај домашните туристи има зголемување за 13,8 проценти, а кај странските има зголемување за 5,4 проценти.
Според податоците на Државниот завод за статистика, бројот на туристите во јуни изнесува 71.813, а бројот на ноќевањата изнесува 171.861.
Бројот на туристите во јуни во однос на истиот месец лани е зголемен за 0,6 проценти, а бројот на ноќевањата е намален за 1,7 проценти. Бројот на домашните туристи во истиот период е зголемен за 1,7 проценти, а бројот на странските туристи е зголемен за 0,2 проценти.
Бројот на ноќевањата на домашните туристи во јуни во однос на истиот месец лани е намален за 1,9 проценти, а бројот на ноќевањата на странските туристи е намален за 1,6 проценти.