Во првите пет месеци од годината бројот на туристи е зголемен за 11,1 отсто во однос на истиот период лани, објави Државниот завод за статистика.
Кај домашните туристи има зголемување за 12,5 проценти, а кај странските има зголемување за 10,4 проценти.
Во овој период, во споредба со истиот период лани, бројот на ноќевањата е зголемен за 12,2 проценти и тоа кај домашните туристи има зголемување за 19,1 отсто, а кај странските има зголемување за 8 проценти.
Бројот на туристите во мај 2016 година изнесува 86.234, а бројот на ноќевањата бил 172.355.
