Министерството за здравство информира, согласно податоците од Институтот за јавно здравје, дека во последните 24 часа се направени 4.582 тестирања, а регистрирани се 74 нови случаи на ковид-19, и тоа во: Скопје – 16, Тетово – 15, Куманово – 8, Гостивар – 7, Битола – 6, Кичево – 5, Дебар – 4, Струмица – 3, Прилеп, Штип и Свети Николе – по 2, Охрид, Гевгелија , Радовиш и Берово – по 1.
Регистрирани сe 17 оздравени пациенти од: Скопје – 8, Тетово – 5, Куманово – 2, Кичево и Кавадарци – по 1.
Во изминатово деноноќие регистрирани се две починати лица: еден од Скопје и еден од Кичево, при што двајцата пациенти се од возрасната група 60+ и двајцата се починати во болнички услови.
Вкупната бројка на ковид–дијагностицирани лица во нашата земја од почетокот на епидемијата изнесува 156.299, бројката на оздравени пациенти е 150.350, на починати е 5.493, а бројот на активни случаи изнесува 456. Најмногу активни случаи на ковид-19 во моментов има во Скопје (146), Тетово (116) и Куманово (52).