fbpx

Бројката на починати во светот од новиот корона вирус се зголеми на над 3.000

-

Новиот корона вирус Covid-19 е веќе присутен во над 60 земји, со над 88.000 заразени луѓе низ целиот свет, освен на Антарктикот. Според најновите податоци, досега починале повеќе од 3.000 луѓе.

Бројот на заразени со корона вирусот се зголемува во Италија, а Франција го затвори светски познатиот музеј Лувр.

Австралија и Тајланд во неделата ги објавија првите смртни случаи, додека Доминиканската Република и Чешката Република ги регистрираа првите заразени.

Италијанските власти соопштија дека бројот на заразените се зголемил за 50 отсто, на 1.694 за само 24 часа, а уште петмина починале, со што бројот на починатите стана 34. Во Франција бројот на заболеми е 130, односно 30 повеќе во само едно деноноќие.

Кина, каде што почна епидемијата во декември, денеска пријави 202 нови случаи, што е најниско зголемување од 21 јануари. Најголем број од новите заразени се во градот Вухан.

Во соседна Бугарија, до денеска не е регистриран ниту еден случај на заразен со Covid-19.

Во Македонија засега се почитува препораката за откажување на поголеми јавни собири, па беа откажани и Струмичкиот карневал и одбележувањето на Прочка во Прилеп.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...