Британската амбасадорка Рејчел Галовеј положи свежо цвеќе на гробовите на починатите македонски претседатели Киро Глигоров и Борис Трајковски на гробиштата Бутел во Скопје во честа на 30 годишнината од независноста на земјата.
Ambassador Rachel Galloway laid wreaths on the graves of late Macedonian presidents Kiro Gligorov and Boris Trajkovski today at the Butel cemetery in Skopje in honour of the 30 years Independence celebrations. #30независност @RGallowayUK pic.twitter.com/yYQpAq7azH
— UK in North Macedonia (@UKinRNMacedonia) September 8, 2021
Амбасадорката Галовеј претходно ја честиташе независноста и преку колумна објавена на официјалниот блог на британското министерство за надворешни работи на македонск и на англиски јазик, со наслов:„Прославуваме 30 години независност! Пријателство, партнерство и соработка – нашата приказна за Обединетото Кралство и Северна Македонија“.
Во колумната, амбасадорката посочува повеќе детали од долгогодишната соработка меѓу двете земји.
„Северна Македонија е нашиот најголем трговски партнер во Западен Балкан и потпишувањето на нов Договор за партнерство, трговија и соработка може само да ја зголеми билатералната соработка и економските можности меѓу нашите две земји“, пишува Галовеј додавајќи дека во текот на следните неколку години ќе има нови можности за зелените бизниси да отворат нови работни места и партнерства.
Таа ја потенцира и заедничката работа во полето на животната средина и додава дека „со нетрпение го очекуваме спроведувањето на зеленото сценарио на енергетската стратегија што ја поддржавме“.