По информацијата дека Европарламентот ги поканил ВМРО-ДПМНЕ и СДСМ кон крајот на овој месец на средба во Брисел, сè уште нема официјална потврда од двете најголеми партии во Македонија. Иако и двајцата лидери, Зоран Заев и Никола Груевски, начелно се за помош од меѓународната заедница за излез од политичкта криза, официјална потврда нема.
Од СДСМ тврдат деа таква покана до денеска не добиле.
– Немаме добиено никакав покана. Ако добиеме, ќе разговараме и ќе одлучиме за понатамошните наши чекори – ни изјави Петре Шилегов, портпаролот на СДСМ.
Од владејачката партија ВМРО-ДПМНЕ не ни одговорија дали покана стигнала или не и до нив.
