fbpx

Брисел: Ако има избори на 5 јуни, тие нема да бидат признаени од меѓународната заедница

-

Брисел жали што континуираната политичка криза ја оддалечува земјата од евроатлантските аспирации, соопшти за „Мета“ портпарол на Европската комисија.

– Комисијата забележа дека неколку партии до вчерашниот краен рок не ги поднеле своите кандидатски листи до Државната изборна комисија. Не гледаме дека се создадени минимални услови за веродостојни избори на 5 јуни 2016 година, кои би биле признаени од меѓународната заедница – соопшти портпаролот на ЕК.

Од Брисел потсетуваат дека повеќепати ја истакнувале потребата од прочистување на избирачкиот список, обезбедување на балансирано медиумско известување и од истрага за заплашувањето на гласачите.

– Во вакви услови, секоја влада која ќе оди на избори во кои трите најголеми политички партии не учествуваат, нема да биде веродостоен партнер на меѓународната заедница. Затоа, Комисијата ги повикува сите политички лидери и релевантни власти да преземат одлучни чекори за решавање на ситуацијата и да го почитуваат Договорот од Пржино. Исто така, ги повикува лидерите неодложно да се справат со постојаните проблеми со владеењето на правото. Ова особено се однесува на потребата да се повлече помилувањето од претседателот. Правдата мора да надвладее и мора да се види. Тоа е единствениот начин да се врати вербата на граѓаните во државните институции, да се стави крај на тензиите и да се зачува владеењето на правото. Политичките лидери не може да се преправаат дека оваа е вообичаена работа. Последните чекори и идните недејствувања сега ќе имаат сериозни последици – вели портпаролот на Европската комисија.

Комисијата вели дека останува посветена и достапна да им помага на партиите. Сепак, партиите се тие што се одговорни да обезбедат демократски прогрес и да ја вратат земјата на евроатлантскиот пат.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...