Денеска на дневен ред во Собранието беше предлогот на опозицијата за измена на Законот за основно образование, поднесен од пратеничката група на опозицискиот СДСМ, со кој се бара укинување на екстерното тестирање.
Пратеникот на СДСМ и претседателот на социјалдемократската младина, Стефан Богоев, рече дека власта се плаши од студените и цел месец не одговара на нивните барања.
– Се плашите од нив, се тресете од нив, зашто се попаметни од вас, поаргуметнирани од вас. Вие ги игнорирате овие луѓе, ја игнорирате иднината. Еве, сега имате шанса да се исперете колку толку за ова. Излезете и извинете им се на студентите, на наставниците, на родителите, на целата стручна јавност, побарајте прошка и гласајте за укинување на екстерното, па можеби ќе се искупите. Поздравете ги пленумците и директно в очи кажете им дали ќе се извадите за она што го направивте и дали ќе гласате за укинување на екстерното тестирање. И од мене поздрав пленумци и бидете сигурни дека екстерното ќе се укине, дали сега, дали во април – рече Богоев.
Олга Најденовска, пратеничката на ВМРО-ДПМНЕ и претседателката на комисијата за образование, наука и спорт, смета дека учениците кои бараат да се укине екстерното тестирање се под влијание на политичките партии.
Според координаторот на пратеничката група на СДСМ, Горан Сугарески, екстерното тестирање е апсурден, безуспешен и непотребен проект и од него патат и родителите и професорите, а не само учениците.
– Со ова законско решение, изминатите години имаше политчки ревашнизам како да им се наштети на наставниците кои не се ВМРО-ДПМНЕ. Наставниците, учениците, родителите се реално загрижени за оваа тема и вака се осакатуваат цели генерации ученици – рече Сугаревски.
