fbpx

Богат програмски ден на „Охридско лето“: Концерт, претстава, изложба

-

Денеска исклучително богат програмски ден на „Охридско лето“, со музички концерт, драмска претстава и со ликовна изложба.

Со почеток од 21 часот, на Малата сцена во центарот за култура „Григор Прличев“, ќе се прикаже премиерата на претставата „Стари времиња“ од Харолд Пинтер, со охридскиот Народен театар.

Претставата е во режија на младата Нела Витошевиќ, која претпладнево во Дирекцијата на фестивалот одржа прес-конференција.

– Со самиот факт што се одлучивме да го подготвиме најизведуваниот текст на Пинтер, со сета негова комплексност, врз себе презедовме одговорност, на соодветен начин да ја предадеме оваа психолошка драма на судбини и на карактери. Текстот, кој е сам по себе оригинален, до степен на пинтеризам -како единствен стил, од нас бараше оригинално толкување. Нема една вистина – една е од поентите на текстот, а публиката сама ќе треба да си ја реши сложувалката – рече Витошевиќ.

Вечерва, во истиот термин, но во „Св.Софија“, Женскиот камерен хор „Св. Злата Мегленска“ ќе одржи концерт со хорски изведби, пред сè, на духовна музика. Хорот дејствува во рамките на Македонската православна црква, која и го основаше, и е многу популарен во земјата и во странство, раководен од Летка Димовска-Полизова, основач и диригент.

Хорот е основан во 1996 година при МПЦ, со благослов на митрополитот полошко-кумановски г. Кирил. Составен е од 25 женски вокали.

Во 20 часот во Големиот изложбен салон на Центарот за култура „Григор Прличев“ ќе биде отворена изложбата „Колажна приказна“ на македонската сликарка и алпинистка Илина Арсова.

Со стотина мали формати, изработени од колажиран и ликовно трансформиран домашен отпад: текстил, хартија и веќе употребени и дотрајани предмети, Арсова ја создаде новата ликовна „колажна“ приказна.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...