Боде Милер

Олимпискиот шампион во суперкомбинација од Ванкувер 2010, Американецот Боде Милер, го оперираше грбот, поради што ќе ги пропушти следните шест недели од сезоната во Светскиот куп во алпско скијање, јавија светските агенции.

Триесет и седумгодишниот Милер се очекува да се врати на скијачките терени дури на 16 јануари, на патеката за спуст во швајцарскиот зимски центар Венген, а една недела подоцна во Австрија ќе се натпреварува во класична дициплина на брзина.

Двократниот светски шампион се надева дека ќе се врати во врвна форма за Светското првенство во Вејл и во Бивер Крик, кое од 2 до 15 февруари се одржува во САД.

Милер во досегашната кариера има освоено четири светски титули во кариерата.