fbpx

Блажо Боев реизбран за ректор на штипскиот Универзитет „Гоце Делчев“

-

Академик Блажо Боев, редовен професор на Факултетот за природни и технички науки на Универзитетот „Гоце Делчев” – Штип е избран за ректор на УГД. Ова е втор мандат за Боев, кој и во претходните четири години го водеше Универзитетот.

Попладнево беа сумирани резултатите од гласањето на наставно-научните совети на сите факултети и академии при УГД, по што Комисијата ги сумираше резултатите и го прогласи за ректор Боев.

Наставно научните совети на 12 факултети и три академии претходно спроведоа постапка за избор, по што резултатите ги сумираше Изборна комисија. Во изборот на ректор на УГД, со свој глас на изборите во Наставно научните совети учествуваа и студентите со свои претставници. Со ова, Боев ќе биде на челo на Универзитетот „Гоце Делчев” до 2025 година. Ова е прв избор на ректор на УГД според новиот Закон за високо образование.

Академик Блажо Боев е геолог по вокација, а на Рударско – геолошкиот факултет од самото основање во 1986 година. Во 2015 година беше избран за ректор на Универзитетот, кој продолжува да го води во втор мандат. Веќе една година е дописен член на Македонската академија на науките и уметностите.

Боев е познат како еден од најголемите истражувачи на рудникот за злато „Алшар“ и дел од проектот за отркивање на сончевите неутрони.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...