fbpx

Битолските советници на пауза поради „некултура“ и „немање домашно воспитување“

-

Плановите за вработување на 67 лица во јавните претпријатија во Битола предизвика нова политичка кавга во Советот на Општината. На расправата паднаа тешки обвинувања за власта и навреди за опозицијата, иако и двете страни се согласни дека законска обврска на јавните претпријатија е да ги изнесат плановите за вработување во тековната година пред градскиот Совет.

Од опозицијата истакнаа дека во изборна година, вработувањата во јавните претпријатија не се ништо друго освен лов на гласачи.

– Прво си ги вработивте сите од вашите фамилии, а сега ќе вработувате и други? – обвини Горан Козаров од СДСМ.

Александар Касапов од ЛДП им порача на советниците од власта дека и 701 лице да вработат, тоа нема да ги „извади од калта“ во која 10 години ја држат Битола.

Советничката од ВМРО-НП, Габриела Илиевска, праша зошто толку бурно регираат советниците од власта кога ќе се спомене криминалот во Општина Битола, кога и „врапчињата знаат дека има криминал“.

– Како да зборуваме за планови за вработување, кога дел од директорите на функциите се избрани  додека Владимир Талески беше во домашен притвор – рече Илиевска.

Кавгите продолжија кога советничката од ВМРО-ДПМНЕ, Соња Трпезановска, почна да вика по советниците од опозицијата дека треба да се засрамат и ја насочи дискусијата кон централни теми, односно формирањето на новата влада и двојазичноста.

– Срам е да поддржувате човек кој сака да биде премиер, а е аболиран криминалец – рече Трпезановска.

Тензијата дополнително се зголеми кога советникот на ВМРО-ДПМНЕ, Златко Милошевскив почна јавно да ги навредува претходните говорници од опозицијата дека „немаат домашно воспитување и култура“ и не заслужуваат да бидат во Советот.

По ова претседателката на Советот, Силвана Ангелевска, даде пауза, а опозиционерите побараа Милошевски јавно да им се извини.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....