Секторот за внатрешни работи Битола поднел кривична пријава против 18-годишен демонстрант, осомничен дека со боја ја оштетил фасадата на зградата на Општина Битола, информира МВР.
Според полицијата, станува збор за 18-годишниот А.Р. од Скопје, кој се товари за оштетување туѓи предмети.
„Пријавениот на 26 април 2016 година, во периодот од 19.40 до 20.10 часот, на булевар 1 Мај во Битола, додека присуствувал на протестот организиран од здружението „Протестирам“, со фрлање боја извршил оштетување на фасадата на зградата на Општина Битола, која претставува објект заштитен како споменик на културата“, стои во информацијата за случајот од МВР.
На почетокот од месецов СВР Битола поднесе кривични пријави против 26 демонстранти, исто така осомничени за боењето на зградата на Општина Битола.
