fbpx

Битолчани в сабота ќе протестираат против загадениот воздух

-

Здружението на граѓани „За нас се работи“, утре во 18 часот на плоштад Магнолија ќе организира протестен собир за итно решавање на проблемот со загадувањето во Битола.

„Причина за овој повик е алармантната долгогодишна состојба со загадениот воздух во градот и во околината. Во текот на нашето досегашно дејствување, за жал, не успеавме да ги лоцираме точните загадувачи, но тоа што во овој момент е повеќе од јасно е дека виновни сме сите ние. Од тие причини, ние како граѓани на Битола повикуваме на поддршка на платформата за Битола наречена „Петка за Битола“. Во оваа платформа наведуваме пет најитни мерки за справување со загадувањето на воздухот и сметаме дека во согласност со сите експертски анализи и наоди, со реализирање на истите, во голема мера ќе се подобри квалитетот на амбиенталниот воздух“, велат од „За нас се работи“.

Петте мерки кои тие ги предлагаат се режим на сообраќајот во централното подрачје на градот, прскање на улиците, јавен еколошки градски превоз, субвенционирање на трошоците за електрична енергија на домаќнствата и преадаптација на постојната топлификација во институциите.

Мерките од оваа платформа ќе бидат доставени до сите здруженија на граѓани, политички партии, збратимените градови на Битола, амбасадите во Македонија и конзуларните претставници, со барање за нејзина поддршка.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
ФИНКИ

ФИНКИ бара Владата да ги ослободи бараките на Техничкиот кампус, во спротивно најавува протести и штрајк

Најбројниот факултет во земјава – Факултетот за информатички науки и компјутерско инженерство (ФИНКИ) бара од Владата решение за просторниот проблем со кој се соочува институцијата. Со повеќе од 5.000...