fbpx

Битолчани подготвени за музиката на Галијано и на „Тангарија квартет“

-

Ричард Галијано, францускиот виртуоз на хармоника, и светски познатиот „Тангарија квартет“ од Франција се ѕвездите на шестиот по ред „Фестивал на музика од светот“ во Битола. Оваа година фестивалот ќе се одржи од 6 до 8 ноември, во организација на Центарот за култура од Битола. Битолчани ќе уживаат во музиката на Галијано која е компилација од парчиња на Ј.С. Бах, танго, валцер, самба и од салса.

– Годинава сме почестени со најголемиот хармоникаш на светот, добитник на наградата за најдобар композитор на класична музика и со неговиот магичен „Тангарија квартет“ – рече Борче Димитровски, директор на Центарот за култура во Битола.
На втората фестивалска вечер настапуваат битолчани, групата „Фолтин“, и истанбулскиот диџеј со македонски корени Али Дојран, чија забава ќе биде во битолското кафуле „Хаус бар“ на Широк сокак.
– Многу сме среќни и задоволни што сме дел од фестивалот, ќе се претставиме со нашата класична програма, но ќе има и мало изненадување – најави Бранислав Николов, член на „Фолтин“.
Публиката во Битола ќе може да ужива и во музиката на „Јасмина Беличанска квартет“, во кафе-барот „Порта џез“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...