fbpx

Би-Би-Си Верифај: Околу 60 новинари, истражувачи и експерти ќе се борат против дезинформациите

Формиран е новиот бренд со име „Би-Би-Си Верифај“ (BBC Verify), каде што ќе работат форензички новинари и експерти од целиот британски сервис, меѓу кои и уредникот за анализа Рос Аткинс и дописникот за дезинформации Маријана Спринг, заедно со нивните тимови

-

Британскиот сервис Би-Би-Си отвора ново поглавје во својата работа, во однос на проверката на факти и борбата со дезинформациите. Формиран е новиот бренд со име „Би-Би-Си Верифај“ (BBC Verify), каде што ќе работат форензички новинари и експерти од целиот британски сервис, меѓу кои и уредникот за анализа Рос Аткинс и дописникот за дезинформации Маријана Спринг, заедно со нивните тимови.

BBC Verify, како што пренесува Би-Би-Си, се состои од околу 60 новинари со „исклучителни истражувачки капацитети кои ќе проверуваат факти, видеа, ќе се спротивставуваат на дезинформациите, ќе анализираат податоци и ќе трагаат по вистината“.

„Ова е поинаков начин на работење новинарство. Изградивме простор во редакцијата во Лондон, со студио од кое ќе известуваат дописниците и експертите на BBC Verify, транспарентно споделувајќи го со публиката начинот на кој ги собирале доказите“, пишува Би-Би-Си, промовирајќи го новиот бренд. 

Експоненцијалниот раст на манипулативни и на изменети видео содржини подразбира дека „да се гледа не значи и дека треба да се верува“, пишува британскиот сервис.

Оттаму додаваат дека публиката е постојано бомбардирана со дезинформации и со лажни фотографии и видеа, вклучувајќи ги и оние кои се генерирани со помош на вештачка интелигенција. Би-Би-Си пишува дека во периодот на ваков сензационализам, ќе се трудат да ја ја задржат довербата што публиката ја дава на британскиот сервис во последните 100 години.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Носталгија по диктатори: Хусеин, Гадафи и Асад

Чест наратив на Кремљ е дека ирачкиот лидер Хусеин, либискиот Гадафи и сирискиот Асад биле големи патриоти и имале добри социјални политики, но дека биле жртви на американскиот империјализам,...