fbpx

Безбедносните служби подготвени да реагираат во случај на нов бегалски бран

-

Претседателот на државата, Ѓорге Иванов, денеска има работна средба со раководителите на институциите задолжени за справување со кризната состојба, намалување на ризикот од терористички напади и за безбедност на изборниот процес.

„На средбата, директорите на Агенцијата за разузнавање, Управата за безбедност и контраразузнавање, Бирото за јавна безбедност, државниот секретар во МВР и претставници на Генералштабот на АРМ го информираа претседателот Иванов за заканите и за ризиците со кои се соочува Република Македонија, за степенот на ризик за загрозување на безбедноста на државата, начинот на функционирање, предвидените сценарија, планските активности, слабостите и за капацитетите за одговор“, стои во соопштението од кабинетот на Иванов.

Оттаму потсетуваат дека заради постојаната закана од илегална миграција „која доаѓа од територија на членки на НАТО и на ЕУ“ во Македонија, од август 2015 година до јуни 2017 година е прогласена кризна состојба и активиран е кризниот менаџмент со здружен воено-цивилен штаб за заштита на границите и за обезбедување на коридорите.

На работната средба било констатирано дека разузнавањето, армијата и полицијата имаат подготвено план и сценарија за одговор во случај на зголемување на ризиците по безбедноста на државата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(Видео) Пожарникарите и цивилите заробени на Огражден се евакуираат со хеликоптер

Градоначалникот на Општина Ново Село, Ѓорѓе Божинов, пожарникари од струмичката противпожарна бригада и неколку граѓани попладнево се нашле опколени од огнените јазици на планината Огражден каде што во моментов...