Без никакви инциденти, поглаварот на МПЦ, г. г. Стефан, заедно со свештеници од скопската епархија, го осветија камен-темелникот на крстот во Бутел. Темелите се поставени на кружниот тек кај улиците Боца Иванова и Александар Урдаревски.
На кружниот тек претпладнево беше поставена импровизирана бина со звучници, а на церемонијата присуствуваа првиот човек на Светскиот македонски конгрес, Тодор Петров, градоначалникот на Скопје, Коце Трајановски, градоначалниците на Бутел и на Гази Баба, Петре Латиновски и Тони Трајковски, и дополнителниот заменик-министер за труд и социјала, Диме Спасов.
Истовремено, група граѓани, заедно со функционери и со симпатизери на ДУИ, од полициските сили беа блокирани на мостот и оневозможени да пристапат до кружниот тек каде се одржуваше чинот на осветувањето.
