На „Steam“ достапна демо верзија за играта „Wo Long 2: Wings of Ember“

Иако играта „Wo Long 2: Wings of Ember“ е најавена да излезе на 4 Март 2027 год. веќе има достапно бесплатно „Demo“ на „Steam“ што може уште сега да се симне и да се преигра, иако демото не е предолго сепак нуди увид во тоа што направиле девелоперите „Team Ninja“ досега со второто продолжение во серијалот, дека на оваа игра и претходи играта „Wo Long: Fallen Dynasty“ за која може повеќе да прочитате овде.

Играта има претерано слични околини на „Nioh серијалот“, места што потсетуваат на „Секиро“ и нивоа што се многу слични со оние во Black Myth: Wukong до тој степен што се само минимално променети, а има и доста сличности со „Елден Ринг“-одлична игра за која имаме повеќе написи на следниот линк.

Инаку мапата е доста голема и една од активностите за „ловење на босеви“ е ослободувањето на тврдини што имаат по поприлично поголем број непријатели на едно место и борбите траат подолго додека да завршите со „чистењето на разбојници“ и да ја освоите дадената тврдина поставувајќи свое знаме на неа. Оваа пренагласеност на борбите секогаш била во преден план на игрите од девелоперите „Team Ninja“ иако вметнуваат доста добри кратки анимации во текот на приказната -фокусот е на борбите, а фокусот во борбите се базира на дефлектирање удари и отварање на противниците за финишери. Всушност во следното видео може да видите како изгледа и самата игра во Демото и карактеристичните борби за „Souls“ жанрот.

Графиката во играта е одлична иако се работи за игра што е уште во изработка, а естетиката на ликовите дури и потсетува на „Dynasty Warriors“ серијалот што своевремено беа и се игри со сè понови изданија, каде се борите со еден херој на бојно поле со ваша и непријателска војска и директно учествувате како „соло“ лик. 

Иако достапната мапа открива само дел од територијата што ќе се имлементира во крајната верзија на играта има два аспекта, а тоа е дека кога првпат ја истражувате да дојдете до места каде што има непријатели се патува подолго со трчање, но штом отклучите локации ви служат како места за телепортирање и може кога сакате да се префрлите на тие места преку кликање на мапата, односно се работи за класичен таканаречен „Waypoint Fast Travel“ систем.  

 „Wo Long 2: Wings of Ember“ иако не е еден од највеќе рекламираните и турканите наслови од „Team Ninja“ сепак се гледа дека доста рециклирале од претходни свои игри како студио за да прават играта, дури и менито за оружја и оклопи е претерано слично како во „Nioh“ серијалот. Но има и нови изгледи на „Босеви“ што е секогаш важно во „Souls“ игри чии механики се учат со “trial and error“ систем, односно со повеќе обиди да се победи „Главен“ најчесто поголем непријател и е наменето да учите од своите грешки со повторни многубројни обиди и умирања. Реално „Souls“ игрите сега се играат со истражување и имитирање на туторијали од Јутуб за најефикасен и најкраток начин да се помине „Бос“(„Boss“), па макар и се експлоатирале багови – како што прават повеќето играчи ширум светот за полесно да ги завршат овој вид на игри до крај.

Но има и играчи кои развиваат толку вешто борење што „соло“ завршуваат најтешки „босеви“ за најкратко време на начин на кој е наменета да се игра играта без „Чизинг“ („Cheezing“ е горенаведената претходна метода што се граничи со мамење во играта). Највештите играчи се натпреваруваат меѓусебно и во додатни правила како на пример -да се победи најтешкиот “Главен“ во Демото (наречен „Lu Bu“) за најкратко можно време или пак без да ве удри ниту еднаш, како во следното видео: 

Toa што навистина ја олеснува играта во оваа фаза на развој е што може со себе да имате придружници „AI“ ликови -како во „Dragon’s Dogma“ серијалот, но во „Wo Long 2: Wings of Ember“ тие се во моментов премоќни до степен каде при борби со повеќе непријатели играчи се држат на страна и платениците и придружниците ги победуваат непријателите наместо играчот. Но тоа е тактика што ја расипува играта и самото играње фер. 

Во оваа игра како што знае да биде и во реалниот живот, предизвиците и ограничувањата се тука за да се надминат и да се напредува. Играта воопшто нема да биде лесна и ќе захтева да се има врвен компјутер со понова графичка картичка што е несомнено потребно, особено поради тоа што првата игра „Wu Long: Fallen Dynasty“ исто така и сега во моментов захтева понов и помоќен компјутер. 

Ако сте заинтересирани и за други азиски игри, може да го прочитате следниот напис каде следните и тековните најактуелни наслови се обработени во детали. Во меѓувреме Demo-то за „Wo Long 2: Wings of Ember“ е бесплатно на Steam, а мора да се напомене дека ќе зафаќа поприлично простор вашиот хард диск, односно околу 90 Гигабајти.