Бензинот „еуросупер БС – 95“ поевтинува за половина денар, а за толку поскапуваат дизелот и екстра лесното масло за домаќинства, одлучи денеска Регулаторната комисија за енергетика (РКЕ).

Новата цена на литар „еуросупер БС-95“ изнесува 66,5 денари, а „еуросупер БС-98“ и натаму ќе се продава по 69 денари.

Литар еуродизел ќе чини 61,50 денари, а екстра-лесното масло за домаќинство по 51,5 денари.

Малопродажните цени на нафтените деривати во просек се намалуваат за 0,21 процент. Одлуката на РКЕ е донесена врз основа на цените на нафтените деривати на светскиот пазар и курсот на денарт во однос на доларот во изминатите седум дена.