Регулаторната комисија за енергетика и водни услуги на Република Северна Македонија (РКЕВУ) донесе одлука за поскапување на бензините за 2 денара по литар. Останатите горива не се опфатени со оваа ценовна промена. Новите цени ќе стапат на сила по полноќ.
Одлуката се образложува со зголемување на референтните цени на нафтените деривати на светскиот пазар од последната промена на цени во земјава. Како кшто објаснува РКЕВУ зголемувањето кај бензините е за 3,835%, кај дизелот за 0,204%, кај екстра лесното масло за 0,388% и кај мазутот зголемувањето е за 1,403%.
Со тоа, од првата минута на утрешниот ден, максимално дозволените цени на горивата ќе изнесуваат.
Моторен бензин ЕУРОСУПЕР БС – 95 = 80,5 денари/литар
Моторен бензин ЕУРОСУПЕР БС – 98 = 82,5 денари/литар
Дизел гориво ЕУРОДИЗЕЛ БС (Д-Е V) = 69 денари/литар
Масло за горење Екстра лесно 1 (ЕЛ-1) = 67,50 денари/литар
Мазут М-1 НС = 39,433 денари/килограм
