Регулаторната комисија за енергетика и водни услуги (РКЕВУ) донесе одлука за намалување на малопродажните цени на нафтените деривати во просек за 0,39 отсто.
Малопродажните цени на бензините „еуросупер БС-95“ и „еуросупер БС-98“ и на екстра-лесното масло за домаќинство (ЕЛ-1), се намалуваат за половина денар. Со ова, новата малопродажна цена на „еуросупер БС-95“ од утре ќе изнесува 58,50 денари за литар, малопродажната цена на „еуросупер БС-98“ ќе изнесува 60,50 денари за литар, додека малопродажната цена на екстра-лесното масло за домаќинство (ЕЛ-1) изнесува 50 денари за литар.
Малопродажната цена на дизелот останува иста, односно 50,50 денари за литар.
