fbpx

Бензините поевтинуваат од половина до еден денар, дизелот поскапува за денар

-

Регулаторната комисија за енергетика и водни услуги на Република Северна Македонија (РКЕВУ) денеска донесе одлука со која од полноќ бензините ќе поевтинат за половина до еден денар по литар, а дизелот ќе поскапи за еден денар по литар.

Цената на ЕУРОСУПЕР БС-98 се намалува за 1 денар по литар, а на ЕУРОСУПЕР БС-95 за половина денар по литар. Дизелот ЕУРОДИЗЕЛ (Д-Е V) и Екстра-лесното масло за домаќинство (ЕЛ-1) се качуваат за 1 денар.

Со тоа, од полноќ, цените на горивата ќе бидат следниве:
Моторен бензин ЕУРОСУПЕР БС – 95 = 84 (денари/литар)
Моторен бензин ЕУРОСУПЕР БС – 98 = 86 (денари/литар)
Дизел гориво ЕУРОДИЗЕЛ БС (Д-Е V) = 91 (денари/литар)
Масло за горење Екстра-лесно 1 (ЕЛ-1) 87,5 (денари/литар)
Мазут М-1 НС = 49,768 (денари/килограм)

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,158%, кај дизелот зголемување за 0,928%, кај екстра лесното масло зголемување за 0,834% и кај мазутот намалување е за 2,998%, објаснува РКЕВУ.

Исто така, курсот на денарот во однос на доларот во изминатиот период по кој беа формирани цените со претходната пресметка е повисок за 0,762%.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...