Регулаторна комисија за енергетика (РКЕ) донесе одлука за новата цена на горивата што се продаваат на бензинските станици. Од ноќеска на полноќ за денар и половина поевтинуваат бензините „еуросупер БС-95“ и „еуросупер БС-98“, а дизелот и екстра-лесното масло за домаќинство поскапуваат за половина денар.
Согласно најновата одлука на РКЕ, „еуросупер БС-95“ ќе се продава по цена од 59 денари за литар, додека малопродажната цена на „еуросупер БС-98“ ќе изнесува 61 денари за литар.
Од ноќеска на полноќ новата цена на дизелот ќе биде 50 денари за литар, а по иста цена ќе се продава и екстра-лесното масло за домаќинство.
Со оваа одлука на РКЕ се врши намалување на малопродажните цени на нафтените деривати во просек за 0,34 проценти.
