Фото: Порталб.мк, Суад Бајрами

Регулаторната комисија за енергетика и водни услуги (РКЕВУ) информира дека од ноќеска малопродажните цени на нафтените деривати, во просек, ќе се намалат за 0,88 отсто во однос на одлуката од понеделник.

Малопродажната цена на бензинот ЕУРОСУПЕР БС-95 се намалува за 2,50 денари за литар, додека на ЕУРОСУПЕР БС-98 за два денари за литар. Со ова намалување, новата цена на ЕУРОСУПЕР БС-95 ќе изнесува 98,50 денари за литар, додека литар ЕУРОСУПЕР БС-98 ќе чини 101 денар за литар.

Малопродажните цени на ЕУРОДИЗЕЛ, на Екстра лесното масло за домаќинство и на Мазутот М-1 НС не се менуваат.

Референтните цени на нафтените деривати на светскиот пазар во споредба со претходната пресметка бележат намалување, во просек – кај бензините за 3,927 отсто, кај дизелот за 0,897 отсто, кај екстра лесното масло за 1,042 проценти, а кај мазутот зголемување за 1,983 отсто.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,09 отсто.

Напишете коментар

Внесете го вашиот коментар
Please enter your name here