Од ноќесна на полноќ, бензините ќе поевтинат за еден денар, а дизел горивото за денар и половина, одлучиле членовите на Регулаторната комисија за енергетика (РКЕ).
„Со одлуката се врши намалување на малопродажните цени на нафтените деривати во просек за 1,12 отсто во однос на одлуката од 30 јануари“, соопштуваат оттаму.
Од вечерва, малопродажната цена на бензинот ЕУРОСУПЕР БС-95 ќе изнесува 79 денари за литар, цената на бензинот ЕУРОСУПЕР БС-98 ќе биде 81,5 денари, а литар ЕУРОДИЗЕЛ ќе чини 73 денари. Со новата одлука се намалува и цената на екстра лесното масло за домаќинство на (ЕЛ-1) за 1,5 денар и сега ќе чини 72 денари.
