(Фото: finance.bigmir)

Регулаторната комисија за енергетика и водни услуги (РКЕ) донесе одлука со која од ноќеска се врши намалување на малопродажните цени на нафтените деривати во просек за 5,28 отсто.

Малопродажните цени на бензините Еуросупер БС-95 и Еуросупер БС-98 и на Еуродизел (Д-Е V) се намалуваат за 3,50 денари за литар, додека малопродажната цена на Екстра лесното масло за домаќинство (ЕЛ-1) се намалува за 3 денари за литар.

Малопродажната цена на Мазутот М-1 НС се намалува за 3,016 денар за килограм и сега ќе изнесува 38,527 денари за килограм.

Од ноќеска на бензинските станици низ земјава Еуросупер БС-95 ќе може да се купи по 71 денари за литар, додека Еуросупер БС-98 ќе се продава за 73 денари за литар. Дизелот ќе чини 63 денари, додека екстра-лесното масло за горење ќе се продава за 62,50 денари за литар.

Намалувањето на цената на бензините и дизелот се должи на два фактора. Во изминатиот седумдневен период референтните цени на светските берзи во просек бележат намалување: кај бензинот за 8,896 отсто, кај дизелот за 8,559 отсто, кај екстра лесното масло за 8,364 отсто и кај мазутот намалувањето е за 8,599 отсто.

Во истиот период курсот на денарот во однос на доларот е понизок за 0,599 отсто.