Светски познатата поп-рокерска група „Уан рипаблик“ на 1 jуни следната година ќе има концерт во „Метрополис арена“, информираат од „Авалон продукција“ на нивната официјална странива на „Фејсбук“. Билетите за овој концерт ќе бидат пуштени во продажба на 24 ноември, а за цената и за останатите детали од продукцијата ќе информираат до крајот на идната недела.
„Тоа што му дава навистина сензационална нота на овој концерт во Скопје е фактот што не само што доаѓа група со продадени повеќе од пет милиони примероци од своите албуми, како и повеќе од девет милиони синглови, туку првпат во Македонија доаѓа група која промовира актуелен албум што бил на врвовите на светските топ-листи од обете страни на Aтлантикот, и во Америка и во Европа, како што е случајот со албумот „Native world“, што, ако не се лажеме, досега се нема случено со ниту едно гостување на некој од артистите во нашава земја“, се вели во соопштението од „Авалон продукција“.
Една од најпопуларните поп-рокерски групи доаѓа во Македонија во рамките светската турнеја. Групата ги освои светските топ-листи со хитовите „Apologize“, „Counting stars“, „If I lose myself“, „I Lived“, „Secrets“, „Stop and stare“, „Love runs out“, и „All the right moves“.
Нашите вести во вашето сандаче
Секој ден во 17 ч. добивајте ги вестите од Новинската агенција Мета директно на вашата електронска адреса.
Можете да се отпишете од оваа листа преку линкот на крајот од нашите пораки.
Гранатирани инфраструктурни објекти во Запорожје и Одеса
Руски проектили погодија индустриска инфраструктура во градот Запорожје, информира Регионалната воена управа на Запорожје, пренесува Укринформ. Утрово, руската армија лансираше балистичка ракета од привремено окупираниот Крим и врз инфраструктурен...
