fbpx

Бектеши: Од вчера сe пониски цените на основните прехранбeни продукти

-

По донесување на одлуката за повторното замрзнување на маржите на основните прехранбени производи, цените во маркетите веќе од вчера почнаа да се намалуваат, а очекувам дека овој тренд на намалување на цените да продолжи и во наредните денови. Пазарните инспектори се на терен за да утврдат дали трговците ја почитуваат одлуката, изјави министерот за економија Крешник Бектеши во гостувањето во „Утрински брифинг“.

„Владата годинава донесе две мерки за заштита на стандардот на населението – замрзнување на цените и замрзнување на маржите. Мерката за замрзнување на маржите траеше до крајот на мај. Не е етички да има маржа од 15 отсто за одредени производи во време на ваква криза“, рече тој.

Бектеши кажа дека очекувал според договорите со стопанските комори, компаниите веќе да се навикнати на профитни маржи од 4 отсто или 5 отсто.

„Но, во дел од трошоците, на масло за јадење на пример, 7-8 денари се плаќа за рабат кон супермаркетите. Сега Владата ја укина оваа можност и за супермаркетите и за увозниците. Побарав да се прават секојдневни контроли не само на заштитетните производи туку и на другите производи. За мене е злоупотреба синџирите на маркети да имаат профит од 30 отсто во ваква криза“, рече министерот Бектеши.

Министерот информираше дека на следната седница на Владата на дневен ред ќе се најде новиот Закон за заштита на потрошувачите, каде што точно ќе биде регулирано кои се чесни, а кои се нечесни практики кај ланците на маркети и тоа ќе биде санкционирано.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Доналд Туск: Во ризик сме од војна, Европа не е подготвена

Полскиот премиер Доналд Туск изјави оти смета дека постои огромен ризик од војна и оти никој во Европа нема да се чувствува безбедно доколку Русија победи во Украина, пренесува...