fbpx

Бектеши и Шаровиќ договориле економска соработка меѓу Македонија и БИХ

-

Министерот за економија на Македонија, Крешник Бектеши, и министерот за надворешна трговија и економски односи на БИХ, Мирко Шаровиќ, на средбата во Сараево иницирале преговори за склучување договор за економска соработка помеѓу двете земји.

Босна и Херцеговина е единствената земја од регионот со која Македонија нема потпишано ваков договор.

– Босна и Херцеговина во последните неколку години е меѓу првите 20 земји со кои Македонија остварува најголем обем на трговска размена, регулирана во согласност со договорот ЦЕФТА, како солидна основа за отварање нови можности преку конкретни заеднички проекти – информираат од Министерството за економија.

Министерот Бектеши го реафирмирал и прашањето за склучување договор за соработка во областа на туризмот, отворено од босанска страна уште во 2013 година.

На средбата со босанскиот колега била разгледана и можноста за пуштање директна авиолинија Скопје – Сараево, со што би се олеснил транспортот и на туристите, но би се зголемил и бројот на деловни посети во двете земји.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...